బ్రహ్మర్షి సుభాష్ పత్రీజీ

బ్రహ్మర్షి పిరమిడ్ కట్టడానికి మూల కారణం మరియు మా కుటుంబానికి గురువు..      శ్రీ సుభాష్ పత్రీజీ గారు వారు 1947లో నిజామాబాద్ లోని బోధన్ లో షక్కర్ నగర్ అనే ప్రాంతంలో జన్మించారు. ఆయన ఎంతో కృషి చేసి ఈ ప్రపంచానికి 'శ్వాస మీద ధ్యాస' ధ్యాన పద్ధతిని అందించారు. పిరమిడ్ అనే ప్రాచీన మహా కట్టడం ధ్యాన సాధనకు ఎంత ఉపయోగకరమో తెలియజేశారు. ఎంతోమంది పిరమిడ్ ధ్యానం ద్వారా ప్రయోజనం పొందారు. భూమి మీద ఆధ్యాత్మికతను విస్తరించడానికి ఆయన నేర్చుకున్న సత్యాన్ని ఆచరించి చూపించారు. ఆధ్యాత్మికత అనేది ప్రస్తుత జీవితంలో ఎంత అవసరమో వారి బోధనల ద్వారా తెలియజేశారు.

పిరమిడ్ స్పిరిచ్యువల్ సొసైటీస్ మూవ్ మెంట్(PSSM) ను పత్రీజీ 1990 లో స్థాపించారు . ఈ PSSM వ్యవస్థ ధ్యాన విజ్ఞానం, ఆత్మవిజ్ఞానం ,శాకాహార విజ్ఞానం ,మరి మానవులలో పరిపూర్ణమైన మార్పుల కోసం ..మరి సంపూర్ణ ఆధ్యాత్మిక జాగరూకత కోసం... కంకణం కట్టుకుని, భారతదేశం లోని ప్రతి ప్రాంతంలోనూ నిరంతరం నిర్విరామంగా, అవిశ్రాంతoగా పరిశ్రమిస్తోంది.
సరిక్రొత్త విధంగా నవ్య ఆధ్యాత్మిక శాస్త్రాన్ని ,శాకాహార విశిష్టతనూ మరి పిరమిడ్ శక్తి యొక్క అవగాహననూ ప్రపంచంలో ప్రతి ఒక్కరికీ కలుగజేయడమే పిరమిడ్ స్పిరిచ్యువల్ సొసైటీస్ మూవ్ మెంట్ యొక్క లక్ష్యం .

పత్రీజీ గురించి మరింత తెలుసుకునెందుకు www.pssm.org వెబ్సైట్ ను సందర్శించగలరు.